Ezagutzaren ekonomian aurrera egitea, enpresen lehiakortasuna hobetu eta merkatu berrietara irekitzea, haien lankidetza sustatzea, lurraldeko hezkuntza sistema eta bertako ikerketa eta berrikuntza zentroei laguntzea Euroeskualdearen lehentasunak dira.
Estrategiaren helburua hiru lurraldeetako enpresen arteko ezagutza eta komunikazioa hobetzea da eta baita ikerketa, garapen, berrikuntza teknologikoen (mugaz gaindiko start-upen garapena), formazioaren (lanbide heziketa eta unibertsitatea) eta enpleguaren eremuan diharduten eragileen arteko ezagutza sendotzea ere.
Esparru honetan euroeskualdeak hiru ekintza lerrotan jarduten du:
Ikerketa, Berrikuntza, Garapen ekonomikoa
Giltzarri diren sei sektore hauek identifikatu dira:
- Aeronautika, aeroespazioa, fabrikazio aurreratua eta automobilgintza
- Osasungintza / Bio-osasungintza, silver-economy
- Nekazaritza eta nekazaritzako elikagaien industria
- Eraikuntza jasangarria, zura
- Energia berriztagarriak
- Itsasoko eta kostaldeko baliabideak
Euroeskualde mailako balio-kateak sortu nahi ditugu eremu horietan guztietan, «Ezagutzaren Ekonomia» proiektuen deialdiaren bidez.
Mugaz gaindiko lurraldearen kohesio ekonomiko eta soziala indartzeko gure asmoa betetzeko beste hiru lankidetza-estrategia ere baditugu: mugaz gaindiko hiru polo (BIG DATA, INNOV’MEDIA eta ADDITIVALLEY) egituratzea helburua duen COMPETITIV’EKO eta gertutasunaren nazioartekotzea indartzeko xedean oinarritutako hiru eskualdeetako Merkataritza Ganberen lankidetza.
Enplegua
Euroeskualdearen mailako enplegu-arro bat garatu nahi dugu, hiru eskualde hauetako enpresentzako nahiz biztanleria aktiboarentzako aukera ekonomikoak zabalduko dituen dinamika-gune bat sortzeko.
Horretarako EMPLEO AE Europako proiektua garatu dugu, mugaz gaindiko errealitate laborala aztertzea (diagnostikoa) helburu duena. Enpresentzako nahiz langileentzako edota lan bila dabiltzanentzako informazio osoa eskainiko duen informazio-atari bat mantentzen dugu. Era berean, lankidetza estua sustatzen dugu administrazio guztiekin dauden oztopoak murrizteko eta azkenik, mugaz gaindiko enpleguaren inguruko tailer eta jardunaldi informatiboak antolatzen ditugu.
Goi-mailako heziketa eta lanbide heziketa
Lanean dihardugu unibertsitate, lanbide heziketarako zentro eta berrikuntzaren eremuko gainerako eragileen arteko lankidetzari bultzada berri bat emateko.
Lurraldeko 11 unibertsitateen arteko lankidetzak indartzeko politikak sustatzen ditugu. Unibertsitateko ikasleek duten Erasmus beka osatzea helburu duen «Europako beka» izeneko dirulaguntza sortu da ikasleen arteko mugaz gaindiko mugikortasuna sustatu eta indartzeko. Horrez gain, EUSKAMPUS, Bordeleko Unibertsitatearen batera sortutako lankidetza, gidari dugu Euroeskualdeko campusa egituratzeko bidean.
Lanbide heziketari dagokionez, heziketa zentroen arteko lankidetza solido eta jasangarria garatzeko ekintzak antolatzen ditugu, bertako erabiltzaile izango direnen oztopoak eta espektatibak identifikatuz. Mugaz gaindiko CoP lankidetza estrategikoak euroeskualdeko mapa garatu du eta ikasleen mugaz gaindiko mugikortasuna azkartzeko lanean dihardugu KOMPAR lankidetza estrategikoaren bidez eta «Euroeskualdeko hiritartasuna» proiektu deialdiaren bidez.
POCTEFA FORMA-NAEN proiektuak mugaz gaindiko formaziorako eskaintza garatzea du helburu.
Mila 
Bienvenue 
Mil