Bideak, errepidea, trenbidea, airea, ura… TRANFERMUGA gidari izango duzu Euroeskualdeko joan-etorrietan, hautatzen duzun bidea hautatuta ere. Iruñetik Donibane Garazira itsasontziz joatea… konplexua izan daiteke… Orrialde honetan hainbat ibilbide topatuko dituzu, bidean galtzeko edo zuzenean iristeko: zeuk erabaki!
POCTEFA 2014-2020 programako 3. proiektu deialdian hautatua izan ondoren, 2020-2022an abiatu da TRANSFERMUGA-RREKIN proiektua, Akitania-Berria Euskadi Nafarroa Euroeskualdeak proiektuburu gisa gidatuta, Euskal Herri Aturriko Mugikortasunen Sindikatua, Euskal Trenbide Sarea (ETS-RFV) eta SNCF bazkideekin batera.
Proiektuaren ekintza nagusiak honakoak dira:
- Transfermuga web gunearen zerbitzuak suspertu eta beronen ibilbide-kalkulagailuaren mugikortasun datuak aberastea
- Mugaz gaindiko garraio multimodalaren eskaintza-azterketa eta burdinbidearen loturari buruzko gobernantza-estudioa egitea
- Elgarrekin intermodalitatearen azpiegitura gauzatzea Hendaiako geltokian, Euskal Herri-Aturri Mugikortasun Sindikatuaren eskutik
- Topoaren mugaz gaindiko linearen seinaleztapen eta segurtasunean hobekuntzak ezartzea, Euskal Trenbide Sarearen eskutik
- Hendaiako SNCF eta Euskotren geltokietako eraikinen arteko lotura azpiegiturak gauzatzea, SNCF Gares & Connexions-en eskutik
Eskualde Garapenerako Europako Funtsak (EGEF) kofinantzatutako proiektua
Eskualde Garapenerako Europako Funtsak (EGEF) %65 kofinantzatu du proiektua, Interreg V-A Espainia-Frantzia-Andorra programaren bitartez (POCTEFA 2014-2020). POCTEFA programaren helburua integrazio ekonomiko eta soziala bultzatzea da Espainia-Frantzia-Andorra mugaz-gaindiko eremuan. Bere laguntza ekonomia-jardueren inguruan kokatzen da, lurraldearen garapen jasangarria sustatzen dute estrategia partekatuen bitartez.
Mila 
Bienvenue 
Mil