Economia de la coneissença, Innovacion e Competitivitat de las Entrepresas

Avançar cap a una economia de la coneissença, melhorar la competitivitat e la dobertura de novèls mercats de las entrepresas, estimular la cooperacion entre aquelas… Acompanhar lo sistema educatiu e l’ensemble de los centres de recèrca e d’innovacion de l’Euroregion… Aquelas son aicí las prioritats de l’Euroregion.

L’objectiu de la Estrategia es doncas melhorar la coneissença mutuala e la comunicacion entre les entrepresas de las tres regions, atal coma entre totes los actors e los facilitators de la recèrca e del desvolopament, l’innovacion tecnologica (desvolopament de start-ups transfronterèrs), la formacion (aprendissatge e universitats) e l’emplec.

L’Euroregion agit sus 3 linhas d’accion

Recèrca-Innovacion Desvolopament economic

6 sectors-clau son estat identificats :

• Aeronautica, aerospaciala, fabricacion avançada e automobila
• Santat/Bio-santat, silver-economy
• Agricultura e industria agroalimentària
• Construccion durable, boès
• Energias renovelablas
• Ressorças marinas e del litoral

Es dins aqueles domenis que desiram crear cadenas de valor euroregionalas a travèrs la Crida de projèctes « Economia de la Coneissença ».

La nòstra volontat d’afortir la coesion economica e sociala de l’espaci transfronterèr se fa tanben pel biais de las alianças estrategicas : COMPETITIV’EKO que prepausa d’estructurar 3 pòls transfronterèrs (BIG DATA, INNOV’MEDICA e ADDITIVALLEY) e l’aliança menada per las Cambras de comèrci de las 3 regions botant l’accent sus l’internacionalizacion de proximitat.

Emplec

Desiram desvolopar un bacin d’emplec euroregional, qu’entend far de las 3 regions una zòna dinamica d’oportunitat economica tan per les entrepresas coma per la populacion activa.

Per aquò, avèm desvolopat lo projècte europèu EMPLEO AE visant a analisar la realitat de l’emplec transfronterèr (diagnostic) e alimentam un portal d’informacion que recampa totas las informacions utilas tan plan pel teissut de las entrepresas coma pels trabalhaires e demandaires d’emplec. En parallèl, impulsam una collaboracion mai estrecha amb las administracions visant a redusir las barrièras existentas, e organizam talhièrs e jornadas d’informacion sus la tematica de l’emplec transfronterèr.

Ensenhament superior e formacion professionala

Trabalham per donar un novèl vam a la cooperacion entre las universitats, los centres de formacion professionala e autres actors del domeni de l’innovacion.

Perseguissèm una politica visant a afortir las alianças entre las 11 universitats del territòri. A fin d’afavorir e sosténer la mobilitat estudianta transfronterèra es estat mes en plaça un dispositiu « borsa euroregionala », que permet als estudiants universitaris completar lor borsa Erasmus. D’un autre costat, l’aliança constituida amb EUSKAMPUS/Universitat Bordèu nos guida cap a l’estructuracion d’un campus euroregional.

Dins l’encastre de la formacion professionala, perseguissèm accions visant a desvolopar una cooperacion solida, e durabla entre los Centres de Formacion Professionala, identificant los obstacles e las atentas del public visat. Una cartografia euroregionala es estat creada al sen de l’aliança estrategica CoP Transfrontaliera e trabalham per dinamizar la mobilitat transfronterèra dels estudiants a travèrs l’aliança estrategica KOMPAR e mai per mejan de la Crida de projèctes « Ciutadanetat euroregionala ».

Lo projècte POCTEFA FORMA-NAEN visa a desvolopar una ofèrta de formacion professionala transfronterèra.