Territòri durable e transpòrt

Melhorar la mobilitat de las personas e de las marchandisas, prene cura de la preservacion del territòri, velhar a l’utilizacion durable de sas ressorças e valorar sas potencialitats e son atrach, tot aquò a travèrs d’estrategias partejadas.

Los desfísses son nombroses : infrastructuras e servicis de transpòrt eterogenèus dels dos costats de la frontièra ; recors massiu al transpòrt de marchandisas per rota ; còstes elevats d’oportunitat ligats al retard de la connexion ferroviària de granda velocitat, litoral e espacis naturals constituissent un poderós element tractor de la cooperacion ; oportunitats dins d’activitats emergentas ligadas a las ressorças naturalas ; patrimòni natural plan preservat …

A fin d’aportar una responsa a totes aqueles elements, l’Euroregion trabalha dempuèi sa debuta dins la melhora de la mobilitat de las personas e marchandisas dins l’espaci euroregional a travèrs divèrses dispositius e accions coma :

• La melhora de las informacions suls transpòrts pels viatjaires amb l’organisacion del portal Transfermuga, site d’informacion multilingüe pels ciutadans e los visitaires inclusent un calculator d’itineraris transfronterèrs. L’Euroregion a tanben apiejat e impulsat d’autras accions anant dins aquel sens, coma l’installacion de panèls d’informacion viatjaires dins las garas SNCF, lo sosten a la dobertura de las donadas de las autoritats de transpòrts, …
• Impulsar e facilitar projèctes d’ofèrta de transpòrts transfronterèrs, mesa en plaça de títols de transpòrts combinats, creacions d’espacis multimodals …
• Elaboracion de diagnostics e estudis sus la mobilitat transfronterèra e diferents aspèctes relatius a futuras ofèrtas de transpòrts transfronterèrs, …

Atal, e afin de crear un espaci de mobilitat durable, l’Euroregion agís coma facilitator acompanhant las institucions dins lors projèctes de mobilitat e ajudant los ciutadans dins la preparacion de lors desplaçaments quotidians transfronterèrs. Tot aquò, mercé a proposicions operacionalas a cort tèrme, mas tanben mercé a dinamicas sul mejan e long tèrme en parallèl al desplegament de novèlas infrastructuras sul territòri.