Governança dobèrta

L’Euroregion agís sus 2 linhas d’accion

Promòure la governança multinivèls e la gestion per projècte

L’Euroregion es un luòc d’acamp pels actors que desiran trabalhar amb lors sòcis. Agissèm coma facilitator de la cooperacion transfronterèra. La còla tecnica trabalha a emplenar las foncions de conselh e assisténcia en matièra de finançaments europèus, d’espacis d’oportunitats, mas tanben de facilitator de projèctes (recèrca de sòcis, informacions…).

A mai, l’Euroregion organiza una seria de grops de trabalh que s’ocupan de bastir un malhum que devenga de luòc de rescontre entre los actors pertinents a fin de metre en comun las accions suls projèctes menats, atal coma per espleitar e permetre de conjugar los projèctes latents amb les prioritats de l’Eurorégion. Actualament, mantunes grops de trabalh son en foncionament : bòsc-boès, economia sociala e solidària, cultura, joventut, transpòrts…

Espandir la visibilitat e lo posicionament de l’Euroregion

L’Euroregion es present dins lo contèxt europèu e dona una visibilitat amplificada de projèctes desvolopats sul territòri. Trabalham en estrecha collaboracion amb las delegacions de las tres regions a Brussèlas e participam a la plataforma europèa de las GECT.