Crida de projèctes « Ciutadanetat euroregionala »

La crida de projèctes permet un sosten financièr per promòure las accions de cooperacion entre sòcis situats suls territòris de la Region Novèla-Aquitània, de la Comunautat Autonòma del Bascoat e de la Comunautat Forala de Navarra.

Lo plan estrategic euroregional a confirmat la volontat de desvolopar projèctes dins los domenis de la ciutadanetat, de la cultura e en particular del plurilingüisme per levar los obstacles a la cooperacion.

Crida venenta en mai 2020

Las prioritats

Cultura – sosten a la creacion

• Creacion e difusion d’òbras entre los actors culturals de l’Euroregion
• Mobilitat e residéncias d’artistas
• Collaboracions dins lo domeni de las industrias creativas

Educacion Joventut – ciutadanetat

• Mobilitat de joves e escambis entre establiments escolars de l’Euroregion, en particular al sen de l’espaci bascofòne
• Desvolopament de la ciutadanetat euroregionala
• Desvolopament d’una cultura de rescontres transfronterèras

Espòrt

• Practica d’espòrts de plena natura, espòrts locals, desvolopament de la dimension socioeducativa de l’espòrt (espòrt femenin, espòrt santat…).

Plurilingüisme

• Desvolopar l’usatge e lo mestratge de lengas de l’Euroregion (basco – castelhan – francés – occitan) encoratjant los escambis lingüistics al sen de l’espaci euroregional.