TRANSFERMUGI proiektuak mugaz gaindiko mugikortasuna AFOMEF lurraldean zehar hobetzea du helburu, trenbide eta errepide bidezko garraio publikoko zerbitzuak garatuz, intermodalitatea sustatuz eta pertsona guztientzako iriskortasun handiagoa bermatuz.
TRANSFERMUGIk muga inguruko mugikortasun erronka estrukturalei erantzuten die, bereziki egokitutako garraio-zerbitzuen faltari, ibilgailu pribatuekiko mendekotasunari eta salgaien garraiorako kamioien trafiko handiari.
Oztopo horiek gainditzeko, proiektuak bost ekintza nagusi dauzka:
- Trenbide eta autobusen bidez mugaz bestaldeko hiri gertukoenera garraiobideak martxan jartzea, mugaz gaindiko konektibitatea hobetzeko.
- Trenbide eta trafiko azpiegiturei buruzko ikerketak egitea, garraio publikoaren erabilera optimizatzeko eta mugikortasun jasangarria sustatzeko.
- Geldialdi estrategikoak egokitzea, irisgarritasuna eta intermodalitatea indartzeko.
- Bidaiarien esperientzia hobetuko duten teknologia aurreratuen integrazioa.
- Ibilgailu pribatuak ez diren alternatiba jasangarriak sustatzeko eta mugaz gaindiko salgaien garraoia errazteko esperientzia pilotuen garapena.
Partaideak eta kooperazio sarea
Proiektua Euskal Trenbide Sareak (ETS) koordinatutako partzuergo batek burutzen du. Akitania Berria eskualdea, Gipuzkoako Garraioen Lurralde Agintaritza (ATTG), Syndicat des mobilités Pays Basque-Andour, Gipuzkoako Foru Aldundiko Mugikortasuna, Turismoa eta Lurralde Antolaketa saila, baita Akitania Berria Euskadi Nafarroa Euroeskualdeak partaidetza hori osatzen dute.
Kofinantzaketa europarra
TRANSFERMUGI proiektuaren % 65 Europar Batasunaren laguntzarekin finantzatu da Interreg VI-A España-Francia-Andorra (POCTEFA 2021-2027) programako AFOMEF POCTEFA proiektuen deialdiaren bitartez.
POCTEFAren helburua Espainia Frantzia Andorra mugako eremuan integrazio ekonomiko eta soziala sendotzea da. Proiektuak lau urteko iraupena eta guztira 5.950.060,00 € ko aurrekontua ditu, horietatik 3.867.539,00 € Europar Batasunak eskainiak.
Mila 
Bienvenue 
Mil