Euroeskualdeak lankidetza estrategikoa onartu du ekonomia sozial eta solidarioan

ANEL – Nafarroako Gizarte Ekonomiaren Enpresen elkarteak, Konfekoop – Euskadiko Kooperatiben Konfederazioarekin, eta CBE du Seignanx – Akitania Hegoaldeko Ekonomia Lankidetzarako Lurralde Gunearekin batera, lankidetza estrategikoa gidatzen du, eredu ekonomiko kolaboratibo batean oinarritutako euroeskualdeko ekosistema garatzeko eta dinamizatzeko. Eredu hori nazioarteko mailan erreferente bihurtzeko asmoarekin. Otsailaren 21ean jarri zen abian Bordelen (Frantzia), Gizarte Ekonomiaren Mugaz Gaindiko II. Topaketan.

ANEL-eko lehendakaria, Ignacio Ugaldek; Konfekoop-eko bere homonimoa den Rosa Lavín‑ek eta CBE du Seignanx-eko administratzailea, Laurent Rebière-k, lankidetza estrategikoa sinatu zuten Euroeskualdearekin, «gizarte-berrikuntzarako eta enplegu iraunkorra sortzeko mugaz gaindiko ekosistema egokia» bultzatzeko, «euroeskualdearen dinamismo ekonomikoa eta soziala indartuko duena». Lankidetza estrategiko hau Euroeskualdeko 2021-2027 Plan Estrategikoaren 2. ardatzaren barne dago, eta 60.000 euroko dirulaguntza bat onartu da lehen urterako, lortutako emaitzen arabera berritu daitekeena.

Aipatutako arduradunek azaldu zuten haien helburuetako bat Akitania-Berriko, Euskadiko eta Nafarroako lurraldeetan amankomuneko ekonomia sozial eta solidariorako estrategia bat garatzea dela.

Mathieu Bergé-k azpimarratu zuenez, lankidetza estrategikoaren bidez, Euroeskualdeak frogatu nahi du ekonomia soziala eta solidarioa gizarte- eta ingurumen-aurrerapenaren motorra izan daitekeela, gure Euroeskualdea Europako gizarte-aldaketaren eta -berrikuntzaren abangoardian kokatuz.

Ekonomia sozial eta solidarioan lanpostu jasangarrien berrikuntza eta sorkuntza laguntzeko lankidetza estrategiko bat

Haien helburuak lortzeko, ANEL, Konfekoop eta CBE Seignanx-ek lankidetza proiektuak agertzea erraztuko duen eta enpresek eta ekonomia sozial eta solidarioko eragileek osatuko duten ingurugiroa sortu eta dinamizatu nahi dute mugaren bi aldeetan. Guzti hori, eredu ekonomiko kolaboratibo honen pisua eta garrantzia handitzea xede, eskualdeko transformazio‑ardatz nagusietako batean kokatzea lortu arte. Horretarako, lankidetza Europar Kooperatiba baten sorkuntza aztertzen ari da, non sustatzaileek burututako baterako lanetik lortutako emaitzak bermatu eta bultzatuko diren.

Hortik aurrera, lankidetza hau bultzatzen ari diren hiru entitateek hiru urteko hasierako lanaldia ezarri dute, lehen urtean ekimenak martxan jartzeko asmoz, hala nola Ekonomia Sozial eta Solidariorako Talde espezifiko bat sortzea, baita Euroeskualdeko Lurralderako Gizarte Ekonomia Plan Estrategiko (2024‑2026) bat ere.

Era berean, komunikazio plan bat garatzea aztertzen ari dira, baita Akitania-Berriko, Euskadiko eta Nafarroako ordezkariek parte hartzeko ekitaldi bat antolatzea, edota Euroeskualdeko ekonomia sozial eta solidarioaren parte diren agenteen arteko kooperazioa antzeman eta bultzatzera bideratutako mapa bat sortzea.

Debate foruak

Gizarte Ekonomiaren Mugaz gaindiko II. Topaketaren programa debate talde anitzak ospatuz amaitu zen, non administrazio publikoek, agenteek eta unibertsitateek eredu ekonomiko honen garapen eta bultzadan izan dezaketen papera aztertu zen.

Irekiera Mathieu Bergé Akitania-Berriko eskualde kontseilariak egin zuen, mugaz gaindiko lankidetzarako eta euroeskualderako ordezkariak.

Lehenengo eztabaida-panelean parte hartu zuten Iñaki Mendióroz, Nafarroako Gobernuko Ekonomia Sozialeko zuzendari nagusia; Maud Caruhel, Akitania-Berriko eskualdeko presidenteordea; eta Jokin Díaz, Eusko Jaurlaritzako Ekonomia zuzendaria. Agenteen foruko protagonistak, ordea, hauek izan ziren: Ignacio Ugalde, ANEL-eko presidentea; Eva Belin, CBE du Seignanx-eko presidentea; eta Rosa Lavín, Konfekoopeko presidentea.

Azkenik, Unibertsitateen atala hurrengoek osatu zuten: Sandra Cavero, Nafarroako Unibertsitate Publikoko Ekonomia Sozial eta Kooperatibismo Katedrako zuzendaria; Timothée Duverger, Bordeleko Ikasketa Politikoetako Ekonomia Sozialeko arduraduna; eta Marta Enciso, Deustuko Unibertsitateko Zuzenbide Fakultateko irakasle titularra eta kidea.

Jardunaldiaren amaieraz Stéphane Montuzet, CBE du Seignanx-eko zuzendaria, arduratu zen Maud Caruhelen laguntzarekin, Akitania-Berriko eskualdeko lehendakariordea.