Mugaz gaindiko II. Enplegu Azoka – LANEAN: langile eta enpresek hitzordu berria dute Ficoban

AFOMEF POCTEFA LANEAN proiektuaren baitan, maiatzaren 21ean Mugaz gaindiko bigarren Enplegu Azoka egingo da Ficoban (Irun).

Bidasoa bizirik elkarteak antolatzen du ekitaldia, LANEAN proiektuko partaideen laguntzarekin (Akitania-Berria Euskadi Nafarroa Euroeskualdea proiektu-buru delarik). Jardunaldiak aukera profesionalak eskuragarri jartzea eta mugaz gaindiko trukeak sustatzea du helburu. Gipuzkoa, Nafarroa eta Akitania-Berriko 50 enpresa baino gehiago bilduko ditu, eta lan bila ari diren pertsonekin elkartzeko gune garrantzitsua izango da.

Lan-aukerak hurbiltzeko eta mugikortasuna sustatzeko espazioa

Jardunaldian zehar, 9:00etatik 13:30etara, parte-hartzaileek lan-eskaintzak eskuratu ahal izango dituzte eta elkarrizketak egin ahal izango dituzte orotariko sektoreetako enpresetan (industria, zerbitzuak, ostalaritza edo elikadura, besteak beste).

Hiru lurraldeetako enplegu-zerbitzu publikoak ere izango dira han: Lanbide, Nafarroako Enplegu Zerbitzua – Nafar Lansare eta France Travail, erakunde espezializatuekin batera. Horiek guztiek informazio praktikoa eskainiko dute tituluen homologazioari edo lan-mugikortasunari loturiko izapideei buruz.

Gainera, hautagaiei laguntzeko espazio bat egongo da, curriculuma prestatzeko edo imprimatzeko baliabideekin, laneratzeko aukera hobeak izan ditzaten.

LANEAN: mugaz gaindiko egiazko enplegu-eremu baterantz

LANEAN proiektuko partaideek sustatutako estrategia zabalago baten barruan txertatzen da azoka, hain zuzen ere, lan-mugikortasunaren erronkei baterako erantzunak emateko gai izango den mugaz gaindiko egiazko enplegu-espazioa sortzeko estrategia zabalago baten barruan.

Lehen edizioa 2025eko urrian egin zen, 48 enpresa bildu zituen, 180 lan-eskaintzatik gora aurkeztea ahalbidetu zuen eta zenbait sektoretako ia 400 postu izan ziren han.
Honelako ekimenen bitartez, enpresak eta langileak elkartu eta lankidetzan aritu daitezkeen ekosistema bat sortzen laguntzen du Euroeskualdeak. Modu horretan, laneratzea eta lurraldearen baterako garapen ekonomikoa sustatzen da.

LANEAN proiektua Europar Batasunak finantzatu du % 65ean INTERREG VI-A Espainia-Frantzia-Andorra (POCTEFA 2021-2027) proiektu-deialdiaren esparruan. POCTEFA programaren helburua, hain zuzen ere, Espainia, Frantzia eta Andorra arteko muga-eremuaren integrazio ekonomiko eta soziala sustatzea da.