Mugaz gaindiko Uda Ikastaroetan izena emateko epea zabaldu da

• Hirugarren edizioa 2024ko uztailaren 15etik 19ra izango da Baionan.
• Askotariko gaiei buruzko 11 ikastaro programatu dira, doan, Cité des Arts unibertsitate eskolan.

Bi urtetan izandako esperientzia aberasgarriari segida emanez, Mugaz Gaindiko Uda Ikastaroak ospatuko dira 2024ko uztailaren erdialdera Baionan. Euroeskualdeak saioei hasiera emango die, mugaz gaindiko unibertsitate-aliantzek eskualdeen motor gisa duten eragina aztertuko duen ikastaroarekin.

Mugaz Gaindiko Uda Ikastaroen xedea da parte hartzen duten unibertsitate eta erakunde zientifikoetan sortutako ezagutza zabaltzea, bai eta erakunde publikoen plan estrategikoak hedatzea ere, Euroeskualdean ezagutzan oinarritutako ekonomia bat garatze aldera, zeinak berrikuntza eta teknologia berriak balio erantsia sortzeko tresna katalizatzaile gisa kokatuko dituen.

Aurrez aurre egingo dira eta, gainera, programazioaren zati bat online ikusi ahal izango da zuzenean.

Euroeskualdeko unibertsitate eta erakunde publikoen lankidetzarekin garatutako proiektua

Mugaz gaindiko Uda Ikastaroak 2022an sortu ziren, Akitania-Berria Euskadi Nafarroa Euroeskualdeko unibertsitate publikoen lankidetzari esker, eta mugaz gaindiko tokiko agintarien laguntzarekin. Egitasmoa erakunde guzti hauen lankidetzaren emaitza da:

l’Université de Bordeaux (UB), Euskal Herriko Unibertsitatea (UPV/EHU), UPV/EHUko Uda Ikastaroak Fundazioa, l’Université Bordeaux Montaigne (UBM), l’Université de Pau et des Pays de L´Adour (UPPA), Nafarroako Unibertsitate Publikoa (UPNA/NUP), Euskampus Fundazioa, CNRS/IKER zentroa eta Maison des Sciences de l’Homme de Bordeaux (MSH Bx). Halaber, mugaz gaindiko tokiko erakundeen babesa dute: Gipuzkoako Foru Aldundia, Communauté d’Agglomération Pays Basque eta Akitania-Berria Euskadi Nafarroa Euroeskualdearena.

Hamaika ikastaroz osaturiko programa

Lehenengo bi edizioek agerian utzi zuten ekimen hau oso eraginkorra dela kulturartekoa eta eleaniztuna den ezagutza zabaltzeko gune estrategiko eta nodo gisa. Gainera, ezagutzak partekatu eta topaketa-sareak sortzeko xedean, mugak gainditzeko gaitasuna duela erakutsi zuen, epe labur, ertain eta luzera aukera eta proposamen berriak ekar ditzaten.

Hirugarren edizioa ere norabide berean ardaztu da, ikastaroak 2024ko uztailaren 15etik 19ra izango dira, eta askotariko gaiak landuko dira. Arestian aipatu bezala, mugaz gaindiko unibertsitate-aliantzek eskualdeen motor gisa duten eragina aztertuz emango zaie hasiera eta, bost egunetan, askotariko gaiak izango dira hizpide Baionako Cité des Arts unibertsitate eskolan.

Programa

Izenemate epea zabalik ikastaroak ospatuko diren egunera arte

Matrikula eta informazioa

• Matrikula maiatzaren 7tik aurrera egongo da zabalik. Izen-ematea doan da.
• Informazioa eta matrikula: Mugaz gaindiko Uda Ikastaroetan izena emateko epea zabaldu da | UIK

Harremanetarako:

• Leyre Azcona : azcona@euroregion-naen.eu