116 ikaslek parte hartu dute POCTEFA FORMA NAEN proiektuaren esparruan mugaz gaindiko administrazio-kudeaketari buruzko prestakuntza-jardunaldi batean

08.04.2022 Proiektuak
  • Prestakuntzajardunaldi bat antolatu da Irunen, eta hiru lurraldeetako 116 ikaslek hartu dute parte.
  • Hiru lurraldeetako ikasleek hainbat tailer eta taldejardueratan parte hartu dute, mugaz gaindiko merkataritza- eta administrazioizapideen ezagutza eta ulermena hobetzeko.

Nafarroako 35 ikaslek, EAEko 52 ikaslek eta Akitaniako 29 ikaslek parte hartu dute Irunen egindako prestakuntzajardunaldian. FORMA NAEN proiektuaren baitan programatutako jardueretako bat izan da, POCTEFA Programarekin batera finantzatutakoa.

Usurbil, Plaiaundi, DONAPEA, Elizondo eta Lycée Largente ikastetxeetako ikasleak tailerretara eta taldejardueretara joan dira, enpresa, autonomo edo elkarte batek mugaz gaindi egin behar izan ditzakeen mugaz gaindiko administrazioizapideak egiteko behar diren tresnak ezagutzeko.

Halaber, jardunaldia baliagarria izan da Euroeskualdearen lurraldean garapen profesionalerako dauden aukerak eztabaidatzeko, baita ikasleen, irakasleen eta parte hartzen duten ikastetxeen arteko harremanak indartzeko ere.

Testuinguru horretan, egitasmoak mugaz gaindiko administraziokudeaketaren arloko material didaktikoa ere prestatu du. Material hori ikastaroetan erabili ahal izango da eta baliatu nahi duten gainerako ikastetxek ere eskura izango dute. Arola Urdangarin Akitania Berria Euskadi Nafarroa Euroeskualdeko zuzendariak zehaztu duenez, “helburua da Administrazio eta Finantza arloko Heziketa Zikloak egiten ari diren ikasleei tresnak eskaintzea, mugaz gaindiko harremanak arautzen dituzten lege- eta merkataritzaaraudiak kudeatzen ikas dezaten”.

Forma NAEN egitasmoa Akitania Berria, Euskadi eta Nafarroako eskualdeen artean abian jarritako ekimena da, eta 20202022 biurtekorako prestakuntzaeskaintza kualifikatua eta espezifikoa garatu nahi du Lanbide Heziketaren baitan, mugaz gaindiko ingurunera egokituta egongo dena, eta gazteei benetako enpleguaukerak eskaintzeko gai izango dena. Egitasmo honen xedea bikoitza da: batetik, azterlanak eta analisiak egitea du xede —beharrezkoak baitira, besteak beste, tituluak baliozkotzeko eta trebakuntzak parekatzeko— eta, bestetik prestakuntzamodulu praktikoak egitea.

Egitasmo hau aurrera eramateko, lankidetzan dihardute honako eragileok: Akitania Berria, Euskadi, Nafarroa Euroeskualdea; Chambre des Métiers et de l ‘Artisanat des Pyrénées Atlantiques, Nafarroako Gobernuko Hezkuntza Departamentua, ZubiGune Fundazioa, Usurbil LHII, Ikaslan Gipuzkoa, TKNIKA eta Chambre Régionale de Métiers et de l’Artisanat de NouvelleAquitaine. Proiektuan parte hartzen dute, halaber, Lycée des métiers Paul Bert, LGT Saint Dominique, Lycée Louis de Foix, Plaiaundi, Don Bosco, Elizondo Lanbide Eskola LHIIIP, Donapea LHI, Virgen del Camino LHI eta EEIk.

Forma NAENek 746.875,68 euroko aurrekontua du. Eskualde Garapeneko Europako Funtsak (EGEF) egitasmoaren % 65 finantzatzen du Interreg VA Espainia, Frantzia eta Andorra (POCTEFA 20142020) programaren bidez. POCTEFAren helburua da EspainiaFrantziaAndorra mugako eremuaren integrazio ekonomikoa eta soziala indartzea. Eskaintzen duen laguntzaren ardatza mugaz gaindiko jarduera ekonomikoak, sozialak eta ingurumenekoak garatzea da, horretarako lurralde garapen iraunkorrerako estrategia bateratuak baliatuz.

 

Partekatu

Asteko Hitza

Drapeau eu Mila
Drapeau fr Bienvenue
Drapeau es Mil
Nola erabili?