{"id":19463,"date":"2026-02-11T11:30:27","date_gmt":"2026-02-11T10:30:27","guid":{"rendered":"https:\/\/www.euroregion-naen.eu\/artikuluak\/leuroregion-presente-les-projets-afomef-au-service-des-bassins-de-vie-transfrontaliers\/"},"modified":"2026-03-11T12:31:25","modified_gmt":"2026-03-11T11:31:25","slug":"euroeskualdeak-mugaz-gaindiko-bizi-arroen-zerbitzura-dauden-afomef-proiektuak-aurkezten-ditu","status":"publish","type":"post","link":"https:\/\/www.euroregion-naen.eu\/eu\/artikuluak\/euroeskualdeak-mugaz-gaindiko-bizi-arroen-zerbitzura-dauden-afomef-proiektuak-aurkezten-ditu\/","title":{"rendered":"Euroeskualdeak mugaz gaindiko bizi-arroen zerbitzura dauden AFOMEF proiektuak aurkezten ditu"},"content":{"rendered":"

Urtarrilaren 30ean, ostirala, FICOBAn (Irun), LANEAN, TRANSFERMUGI, MUGAZIKLO, HEZHI, EUSGUNEAK eta SAREBIDE proiektuak abiarazteko ekitaldia egin zen<\/a>. Topaketa honek lurraldea 2029ra arte dinamizatuko duten ekintza zehatzen multzo baten hasiera ofiziala ezartzen du. Ekintza hauek benetako irtenbideak emango dituzte funtsezko eremuetan, hala nola enpleguan, mugikortasunean eta eleaniztasunean, hauek funtsezkoak baitira mugaren bi aldeetako herritarren eguneroko bizitzarako.<\/p>\n

AFOMEFen esparruan antolatutako ekitaldia izan zen. Bertan erakundeetako ordezkariak, POCTEFA programako arduradunak eta Europako Batzordeko adituak bildu ziren, proiektuak abiarazteaz arduratzen diren lantalde tekniko, tokiko erakunde eta mugaz gaindiko lankidetzaren funtsezko eragileekin batera.<\/p>\n

Mugaz gaindiko bizi-arroetarako proiektu egituratzaileak<\/strong><\/p>\n

Ardatz tematiko ezberdinak Europako adituen laguntzarekin eta\u00a0 lurraldeetako ordezkari eta proiektuetako bazkide diren erakundeekin lankidetzan landu ziren, dagoeneko hasita dauden ekintzen eta hauek mugaz gaindiko eremuan duten eraginaren ikuspegi orokorra eskainiz.<\/p>\n

Proiektu hauek funtsezko urratsa dira AFOMEFen Lurralde Estrategia Integratua eta POCTEFA programaren 5. Helburu Politikoa aplikatzeko, Europa herritarrei hurbiltzera eta EGEF funtsen lurraldekatzea indartzera bideratuta dagoena. Era berean, Akitania-Berria, Euskadi eta Nafarroaren arteko lankidetza indartzeko dinamikaren barruan kokatzen dira.<\/p>\n

Euroeskualdeak bultzatutako hiru proiektu: eguneroko erronkei, erantzun zehatzak<\/strong><\/p>\n

Aurkeztutako proiektuen artean, hiru dira Euroeskualdeak zuzenean koordinatzen dituenak. Honek mugaz gaindiko lankidetzaren bideratzaile eta eragile egituratzaile gisa duen eginkizuna\u00a0 berretsi egiten du.<\/p>\n

LANEAN<\/a> <\/strong>Leyre Azcona Euroeskualdeko zuzendariak proiektuaren buru gisa aurkeztu zuen. R\u00f3bert Kom\u00e1romiren parte-hartzearekin egin zuen, European Labour Authority (ELA) erakundeak koordinatutako EURES Europako enplegu-zerbitzuen sareko goi-mailako aditua dena.\u00a0 LANEAN proiektuak nahi duena da mugaz gaindiko enplegurako sarbidea hobetzea, mugikortasun profesionalerako oztopoak kentzea eta langileek zein enpresek dituzten zailtasunei irtenbide zehatzak ematea.<\/p>\n

TRANSFERMUGI<\/strong> <\/a>proiektua ekimenaren buru den Euskal Trenbide Sareko I+G+B, Kalitate eta Ingurumenaren zuzendari den Cristina L\u00f3pezek aurkeztua izan zen. Horretarako, Klima, Azpiegitura eta Ingurumeneko Europako Agentzia Exekutiboko (CINEA) garraio, hiri mugikortasun eta Smart Cities ataleko buru den Octavia Stepanen parte-hartzea izan zuen. Mugikortasun jasangarri eta integratuaren ikuspegiaren barruan kokatua, proiektuak eguneroko joan-etorriak erraztu, elkarreragingarritasuna indartu eta mugaz gaindiko espazioan bizi-kalitate hobea lortzen lagundu nahi du.<\/p>\n

HEZHI<\/a> <\/strong>Euroeskualdeak koordinatua dago. Marie Heguy-Urain hiritartasun misioaren arduradunak aurkeztu zuen Anna Sole Mena Europako Batzordeko Hezkuntza, Gazteria, Kirol eta Kultura Zuzendaritza Nagusiko eleaniztasunean goi-mailako adituaren parte-hartzearekin. HEZHI hezkuntza eleaniztuna sustatzen duen proiektu berritzailea da, hizkuntza-aniztasunak markatutako lurralde batean inklusio sozial eta kultural handiagoa bultzatzeko asmoa duena.<\/p>\n